31.08. – праграма “Літаратурная вячэра. Вэлнэс” для арганізаванай групы ў аддзеле дзіцячай і замежнай літаратуры ЦГБ імя В.П. Таўлая прысвечана аднайменнаму раману амерыканскага пісьменніка Нэйтана Хіла. Удзельнікі сустрэчы абмяркуюць раман, які стаў адной з найбольш гучных літаратурных падзей 2025 года. Пачатак у 18:28. Узрост: 16+. Адрас: вул. Леніна, 53. Тэл.: 40 36 90 /адк.: вядучы бібліятэкар Н.А. Станкевіч/.

01.09. – інтэрактыўная гульня “Каб любіць Беларусь нашу мілую, трэба ў розных краях пабываць” пройдзе для вучняў 8 “А”  класа СШ № 9 у філіяле № 2 “Гарадская дзіцячая бібліятэка”. Дзяцей чакае прагляд відэа “Беларускія краявіды” і “20 фактаў пра Беларусь”, гульня “За свой родны край” і пазл “Беларусь – лісток кляновы”. Мерапрыемства праводзіцца ў суправаджэнні электроннай прэзентацыі. Пачатак у 11.00. Узрост: 6+. Адрас: вул. Камсамольская, 23 А. Тэл.: 66 29 13 /адк.: бібліятэкар I кат. Г.Б. Сташынская/.

01.09. – урок асветы “З любоўю да слова” пройдзе для навучэнцаў школ горада ў аддзеле галіновай літаратуры ЦГБ імя В.П. Таўлая. Супрацоўнікі бібліятэкі падрыхтавалі гістарычны экскурс “Дзень духоўных адкрыццяў”, відэападарожжа “Сцежкамі Касцюковіцкага краю”, электронную прэзентацыю “Свята слова і кнігі” і тэматычны гульнявы блок. Узрост: 12+. Адрас: вул. Леніна, 51. Тэл.: 64 31 94 /адк.: загадчык аддзела Н.М. Кіпель/.

         Пачатак у 11.00 – для вучняў 9 “А” і 11 “А” класаў СШ № 10.

         Пачатак у 12.00 – для вучняў 8 “Б” класа гімназіі № 5.

         Пачатак у 15.00 – для вучняў 6 “Б”  і 6 “Е” класаў СШ № 19.

03.09. – запрашаем усіх жадаючых атрымаць бясплатную юрыдычную кансультацыю натарыуса па пытаннях, якія ўваходзяць у яго кампетэнцыю, у тым ліку: афармленне спадчынных правоў, складанне завяшчанняў, шлюбных дагавораў, адчужэнне нерухомасці, здзяйсненне выканаўчых надпісаў і інш. Мерапрыемства пройдзе на базе публічнага цэнтра прававой інфармацыі пры цэнтральнай гарадской бібліятэцы імя В.П. Таўлая з 11:00 да 13:00. Узрост: 16+. Адрас: вул. Леніна, 51. Тэл.: 64 32 10 /адк.: заг. аддзела В.І. Тугава/.

05.09. – гульнятэка чакае гараджан у аддзеле дзіцячай і замежнай літаратуры ЦГБ імя В.П. Таўлая. З 09.00 да 13.00 прапануецца сямейны фармат правядзення настольных гульняў (для дзяцей ад 3-х гадоў і іх бацькоў). Узрост: 0+. З 14.00 да 18.00 у бібліятэцы будуць падрыхтаваны гульні больш складанага ўзроўню для падлеткаў і дарослых. Узрост: 12+. Адрас: вул. Леніна, 53. Тэл.: 40 36 90 /адк.: бібліятэкар А.С. Будзько/.

Інтэрактыўная алея “Кветкі маёй зямлі. Жаночы летапіс краіны” экспануецца на вэб-сайце ДУК “Цэнтралізаваная бібліятэчная сістэма г. Баранавічы”  і прысвечана Году беларускай жанчыны. У віртуальнай галерэі размешчаны кароткія звесткі аб знакамітых жанчынах мінулых стагоддзяў, якія на працягу шматвекавой гісторыі Беларусі сваёй дзейнасцю зрабілі значны ўнёсак у мастацтва, навуку, культуру і іншыя сферы жыцця нашай краіны, і нашых сучасніцах. Узрост: 12+ /адк.: намеснік дырэктара па асноўнай дзейнасці Е.А. Барзілава, бібліятэкар І кат. К.А. Раманюк/.

з 28.04.  –  персанальная выстава творчых работ “Тэкстурная сімфонія” Валерыі Несцярук экспануецца ў аддзеле галіновай літаратуры ЦГБ імя В.П. Таўлая. Валерыя Несцярук – выпускніца Беларускай дзяржаўнай акадэміі музыкі, працуе выкладчыкам па класе фартэпіяна і канцэртмайстрам у УССА “Баранавіцкі дзяржаўны музычны каледж”. Валерыя – вельмі творчы чалавек: з ранняга дзяцінства захаплялася музыкай, танцамі, маляваннем. На выстаўцы прадстаўлены аўтарскія інтэр'ерныя карціны і дэкаратыўныя пано, рэльефныя карціны – унікальны сінтэз жывапісу і скульптуры. Уваход вольны  для усіх жадаючых. Узрост: 0+. Адрас: вул. Леніна, 51. Тэл.: 64 31 94 /адк.: загадчык аддзела Н.М. Кіпель/.

з 10.03. – інтэрактыўная алея “155 прычын любіць Баранавічы” экспануецца ў межах праекта “Кніга ў горадзе” да 155-годдзя горада. Гэта вынік аднайменнага фотамарафона, арганізаванага аддзелам дзіцячай і замежнай літаратуры ЦГБ імя В.П. Таўлая. Згодна з Палажэннем на конкурс прымаліся каляровыя або чорна-белыя фотаздымкі, якія адпавядалі прапанаваным у ім тэмам. Каля сцен цэнтральнай бібліятэкі ўздоўж вул. Леніна 51 і 53 на 15 стэндах размешчаны работы, якія набралі найбольшую колькасць галасоў у сваіх намінацыях. Узрост: 12+ /адк.: вядучы бібліятэкар Н.А. Станкевіч, бібліятэкар І кат. К.А. Раманюк/.

Буктрэйлер “Час прыгод”, створаны супрацоўнікамі аддзела маркетынгу і сацыякультурнай дзейнасці ЦГБ імя В.П.Таўлая, размешчаны на вэб-сайце ДУК “Цэнтралізаваная бібліятэчная сістэма г. Баранавічы”. Для наведвальнікаў сайта падрыхтавана падборка твораў, у якіх Вас чакаюць неверагодныя прыгоды. Каб падрабязней даведацца пра кнігі, трэба клікнуць па фота. Цікавыя факты пра пісьменнікаў і іх творы можна паглядзець, націснуўшы на іконкі побач з фота. Узрост: 12+. Тэлефон для даведак: 64 31 96 /адк.: бібліятэкар IІ кат. Ю.В. Лібік/.

Метадычны веснік “Літаратурны арт-тур па Баранавічах” на вэб-сайце ДУК “Цэнтралізаваная бібліятэчная сістэма г. Баранавічы” створаны супрацоўнікамі аддзела маркетынгу і сацыякультурнай дзейнасці. Інтэрактыўнае выданне ўключае цікавыя матэрыялы, прысвечаныя скульптурам малой формы, якія размешчаны на вуліцах г. Баранавічы, і зроблена спроба звязаць іх з вядомымі літаратурнымі сюжэтамі. Узрост: 12+. Тэлефон для даведак: 64 31 96 /адк.: бібліятэкар I кат. В.Ф. Лазарчук/.

Фотаэкскурс “Ажыўшая гісторыя”  на вэб-сайце ДУК “Цэнтралізаваная бібліятэчная сістэма г. Баранавічы” падрыхтаваны супрацоўнікамі аддзела галіновай літаратуры ЦГБ імя В.П. Таўлая да 155-годдзя г. Баранавічы. Якімі былі Баранавічы 30, 40, 50 гадоў таму? Пра гэта лепш за ўсё могуць расказаць старыя фатаграфіі. Бібліятэчныя спецыялісты паспрабавалі "ажывіць" рэтрафатаграфіі Баранавічаў з дапамогай штучнага інтэлекту. Запрашаем “прайсціся” па баранавіцкіх вуліцах мінулых гадоў! Узрост: 12+. Адрас: вул. Леніна, 51. Тэл.: 64 31 94 /адк.: бібліятэкар I кат. А.М. Іванова, бібліятэкар І.П. Гоўша/.