ДУК "Цэнтралізаваная
бібліятэчная сістэма
г. Баранавічы"                      
Get Adobe Flash player

Цэнтр навучальных сродкаў “Нямецкая мова як замежная”

Ведаць замежную мову заўсёды было прэстыжна і карысна, а зараз, калі адчынены ўсе межы, валоданне замежнай мовай дае дадатковыя магчымасці.
На сёняшні дзень, нямецкая мова з’яўляецца адной з самых распаўсюджаных у свеце. Камусьці яна патрэбна для прафесіі, нехта хоча камфортна адчуваць сябе за мяжой ці імкнецца атрымаць інфармацыю з першых крыніц, чытаючы па-нямецку, камусьці хочацца весці перапіску ў Інтэрнэце... Колькі нагод для вывучэння мовы, столькі і шляхоў для яе вывучэння. І адзін з іх – прыйсці да нас, у сектар літаратуры на замежных мовах. Тут для карыстальнікаў бібліятэкі працуе Цэнтр навучальных сродкаў “Нямецкая мова як замежная”.

Асноўная праграма Цэнтра – распаўсюджанне нямецкай мовы і нямецкай культуры, інфармацыі пра палітычнае і эканамічнае жыццё сучаснай Германіі, аб яе гістарычным мінулым; садзейнічанне ў самастойным вывучэнні і ўдасканальванні нямецкай мовы.
Калі ў вас ёсць мэта – вывучыць нямецкую мову, ці паглыбіць свае веды па граматыцы, лексіцы, палепшыць вымаўленне або навыкі ўспрыняцця мовы на слых, таму Цэнтр – гэта тое, што вам патрэбна.
Фонд Цэнтра – больш за 700 экзэмпляраў кніг: падручнікі, слоўнікі, мастацкая і метадычная літаратура; больш за 40 відэа- і каля 200 аўдыякасет, больш за 100 CD і DVD дакументаў. Усё гэта – арыгінальныя, сучасныя вучэбныя сродкі і носьбіты інфармацыі, выдадзеныя ў Германіі. Унікальнасць Цэнтра ў тым, што карыстацца ўсімі выданнямі вы можаце бясплатна. Для гэтага трэба проста запісацца ў бібліятэку.

Карысным дадаткам да інфармацыйных рэсурсаў Цэнтра з’яўляецца медыя-аўтобус "DeutschExpress" - бібліятэка на колах, што ўпершыню наведала наш горад 2 лістапада 2004 года. 
 

Цэнтр навучальных сродкаў “Нямецкая мова як замежная” працуе:
з 10.00 да 19.00
верасень-май – без выхадных
чэрвень-жнівень – выхадны – нядзеля
адрас: вул. Леніна, 51
Даведкі па тэлефоне: 40 - 36 - 90.

Мы вконтактеYoutube-logoTwitter

Горад на фота

Бібліяфакт

bibl

Букер экспрэс

buker1

Дзецям і іх бацькам

det