«Купальскія зоры» – літаратурна-творчае аб’яднанне пры чытальнай зале цэнтральнай гарадской бібліятэкі імя В. Таўлая. Створана ў снежні 2018 года. Кіраўнік – Таццяна Яцук, сябар Саюза пісьменнікаў Беларусі, аўтар 14 паэтычных выданняў (у тым ліку 4-х кніг для дзяцей), настаўнік беларускай мовы і літаратуры сярэдняй школы №4 г. Баранавічы.

Аб’яднанне бесперапынна вядзе работу па пошуку літаратурных талентаў, папулярызацыі творчасці мясцовых паэтаў, абмену думкамі, стварэнню спрыяльных умоў для развіцця літаратуры. Сябры суполкі актыўна прымаюць удзел у бібліятэчных, гарадскіх, раённых мерапрыемствах, паспяхова дэманструюць сваю творчасць на абласным і рэспубліканскім узроўнях.

Вынікам творчай працы літаб’яднання стаў зборнік паэзіі і прозы “Купальскія зоры” (2021). Вершы і проза, змешчаныя ў кнізе, прысвечаны Радзіме, любові да роднай прыроды, маці, гістарычнаму мінуламу. Усе творы розныя, але аб’яднаны шчырым, адкрытым словам, якое выхоўвае спагаду, дабрыню, чуласць да чалавека. Пазнаёміцца з творамі ўдзельнікаў літаб’яднання можна ў бібліятэках горада.

Прапануем вашай увазе аўдыёзапісы твораў сяброў літаратурна-творчага аб’яднання “Купальскія зоры” ў аўтарскім выкананні.

Беларусы – народ з вялікай гісторыяй. Ён гераічна вынес усе выпрабаванні, каб зараз жыць у мірнай і незалежнай краіне. Сапраўдным прызнаннем ў любові да Радзімы гучаць творы баранавіцкіх пісьменнікаў.

Таццяна Яцук
Галіна Ліс
Аляксей Белы
Ларыса Антонова
Таццяна Смаляк
Марыя Філіпава
Юрый Мазалевіч
Раіса Раманчук
Ірына Мезенцава
Міхаіл Стрыжоў
Людміла Шувалова
Наталля Несцярук
Валянціна Агеявіч
Вячаслаў Хвайніцкі
Тэрэса Толах